എത്ര വായിച്ചാലും മതിവരാത്ത പുസ്തകങ്ങളൊക്കെ ഇന്ന് അലമാരയിലൊളിച്ചിരിക്കുന്നു... ഒന്ന് കൈ തൊട്ടിട്ടു കാലങ്ങളായതു പോലെ , ഇനിയൊരിക്കൽ കൂടി ഇതു വഴി വരില്ലേയെന്നു അവർ നിശബ്ദമായി ചോദിക്കുന്നതു പോലെ ... ഓരോ പുസ്തകങ്ങളും വായിച്ചു
തീരുമ്പോൾ ..... നാളെ മുതൽ ആ കഥാപാത്രങ്ങൾ കൂടെയില്ലെന്നറിയുമ്പോൾ. ... അനുഭവപ്പെടുന്ന നൊമ്പരം ,
എല്ലാം വായന
സമ്മാനിച്ചിരുന്ന അനുഭവങ്ങൾ .... വായനയെ ജീവനോളം സ്നേഹിച്ചിരുന്ന കാലമൊക്കെ
ഇനി വരുമോ ?
വല്ലപ്പോഴും അക്ഷരങ്ങൾ കുത്തികുറിച്ചിരുന്ന തൂലികയും എവിടെയോ നഷ്ടമായി ... എങ്ങോ നഷ്ടപെട്ട അക്ഷരങ്ങളിലേക്കൊന്നു തിരിഞ്ഞു നടക്കാൻ കഴിഞ്ഞിരുന്നെങ്കിൽ...
വായന ദിനങ്ങളിങ്ങനെ ഇനിയും വന്നുപോകും ആർക്കും വായിക്കാൻ സമയമില്ലാതെ ... "പൂജ്യത്തെയും
ഒന്നിനെയും" പോലെ "അക്ഷരങ്ങളും കടലാസും" ഭാരരഹിതം ആവാത്തിടത്തോളം...!!!
No comments:
Post a Comment