മൌനം

അകന്നു പോയതെന്തേ..... നീയെന്‍
മൌനമുറയുമീ നിഴല്‍ വഴിയില്‍ നിന്നും...
മഴക്കാലമെന്തേ മാഞ്ഞു വേഗം
കാറ്റിലൊരു കഥയെഴുതാതെ....
പ്രണയത്തിന്‍ കുഞ്ഞു പൂക്കളും
വാടിയോ.. എരിയുമീ പൊരി വെയിലില്‍
നൊമ്പരമെരിയുമീ ശിഥിലതാഴ്വരയില്‍
അണയുമൊരു  തിരിനാളം പോലെ ഞാന്‍ നില്പൂ ...
മറവിതന്‍ ചെപ്പിലടയ്ക്കാം
ഈ ഓര്‍മ്മകള്‍ തന്‍ മഞ്ചാടി മണികള്‍..
നീയറിയുന്നുവോ  ഈ വഴി നീളെ
ഞാന്‍ തിരഞ്ഞത് നിന്‍ പദനിസ്വനം
എന്നെ അറിയാതെ നീയെന്തേ പോവുന്നു
അകലങ്ങളിക്കെന്നില്‍  നിന്നും...?
മഴ പൊഴിയാത്തോരീ  മരുഭൂവില്‍
കാത്തിരിക്കാം ഇനിയും.... നിനക്കായ്
ഉടയ്ക്കാം ഞാനീ മൌനം
കേള്‍ക്കാന്‍ നീ വരുമെങ്കില്‍..